BE 79 - DI NA PONJOT ROHANGKU

VERSE 1

Di na ponjot rohangku, binaen ni dosangki

Paingot au Tuhanku, di hamamateMi

Di hau na pinarsilang i, digarar Ho utangku, marhite mudarMi.

VERSE 2

Tama longang rohangku, mamingkir hata on.

PanghophopMi Tuhanku, di au pardosa on.

Ai hosa ni AnakNa i, dilehon Debatangku, tumobus tondingki.

VERSE 3

Tung aha panginona ni dosangki di au?

Ai asi ni rohaNa do paluahon au

Dibaen naung mate Jesuski ndang be habiaranku banua toru i

VERSE 4

Antong sai pujionku do Ho o Jesuski

Marningot na tinaonMu do hamamateMi

Marningot angguhanggukMi ro di sude na bernit na tinaonMi disi

VERSE 5

Laos i ma pajujuhon, rohangku sai tongtong

Manggotap hajahaton, sian rohangkinon

Unang huhalupahon be halojaonMu Tuhan nang tung satongkin pe.

VERSE 6

Urupi au o Tuhan, tumaon di tano on

Saluhut parsorion na songgop tu au on

Ho ma hutiru sai tongtong manaoni na so uhum na di portibi on.

VERSE 7

Sai naeng ma tiruonku, pambaenanMi di au

Tu sasude donganku,Jesus urupi au

Manghaholongi donganki, unang tung marpambuat nang marpangansi pe

VERSE 8

Sai sonang ma rohangku, binaen ni bugangMi

Di na lao tos hosangku, marningot mudarMi

Pos ma rohangku baenon ni, pamasuhonMu ahu, marnida bohiMi.

Share this post