BE 215 - NA MARTUA NINNA JESUS

VERSE 1

Na martua ninna Jesus, na pogos tondina i

Ai langkana do na tulus, tu banuaginjang i

Sai na sonang roha ni na manggolom hata i

VERSE 2

Nang na marsak pe tarbahen, sonang do rohana i

Ai arsakna i mambahen, ro na mangapuli i

Sai na sonang roha ni, angka naung tarapul i.

VERSE 3

Na martua do dohonon, na lambok marroha i

Ai nasida do manean, nasa na di tano i

Sai na sonang roha ni, na mangalo rimas I

VERSE 4

Molo mauas tondimuna, mida hatigoran i

Na martua do hamuna, ai tutu ma jumpang i

Sai na sonang roha ni, na marhatigoran i

VERSE 5

Angka na marasi roha, ninna Jesus Tuhan i

Angka i do siasian, balos ni asiNa i

Sai na sonang roha ni, siasii dongan i

VERSE 6

Angka na lidang marroha, na so saor tu dosa i

I do na tarbaen marnida, ama na badia i

Sai na sonang roha ni, na pasiding dosa i

VERSE 7

Angka na manuan dame, i dietong Debata

Songon anak ai nasida, sada dohot Debata

Sai na sonang roha ni, na mambahen dame i

VERSE 8

Dohot angka na binuru, ala hatigoran i

Sipujion ai marguru, tu porsukna upa nii

Sogot di na sonang i, mullop ma tuana i.

Share this post