BE 233 - TURENA I MANODO

VERSE 1

Turena i manodo Tuhan Jesus

Martua na pinarmahanNa i

Ulina i SangkapNa dipatulus

Di ganup hita hinophopNa i

Sandok paputus rohaMi

Pasahat ma diriM tu Tuhan Jesus i.

VERSE 2

Sumurung do panogunoguonNa

Ummarga sian rumang tano on.

Halaean nasa pangajarionna

Dijujur siseanNa i tongon

Lam las, lam sabam rohangki

Lam hupasolhot au tu Ho, o Tuhanki.

VERSE 3

Ramoti au Tuhanku sai longkangi

Ma sian au tung hatangkangon i

Asi rohaM, datdati, sai torangi

Rohangku lao mananda dalanMi

Pangkilalahon ma tu au

GogoM, dameM, ngoluM tu dia pe au lao.

VERSE 4

Ulina i, sai mian di tanganMu

Au nang na dokdok niampehonMi

Ai marsihohot ahu di dalanMu

Sai tua i di au tumpahonMi

Margogo do panatapMi

Mambuat biar mida hamatean i.

VERSE 5

Tahop pe dosa ro, nang halumlamon

Manogu au tu haholomon i

Hutangkup Tuhanki ai ndang tagamon

Saut lonong au pasombuonNa i

Jonok Ibana do tongtong

Asal di au diida roha na sintong.

VERSE 6

Sai tong ma au ojak di gomgomanMu

Ale Parmahan na sun denggan i

Anggiat tau au tu hasonanganMu

Pinaimbaru ni pangkophopMi

Marlas ni roha situtu

Au mangihuthon Siparmahan na burju.

Share this post