BE 352 - BEHA MA PANJALONGKU

VERSE 1

Sai hehe ma hamuna, na burju roha i

Pagalak lampumuna, naung songgop borngin i

Naung borhat Sipangoli, ro tu oroan i

Na tong mangkasiholi, pardomuanna i

VERSE 2

Pauli lampumuna, gok miak baen sude

Managam Tuhanmuna, siboan tua i

Parhal di huta Sion, do na manjou hamu

Jonok do hatuaon, jonok do Rajamu

VERSE 3

Hamuna na marroha, padirgak ulumu

Endehon Haleluya, marsurak ma hamu

Talak do pintu rea, rade haroan i

Sai bongot ma hamuna, rap dohot Raja i.

VERSE 4

Tibu ma ro Ibana, ipe sai dungo ma

Naung ro lumbalumbaNa, ipe tangihon ma

Di buha siang ari, lao ma na holom i

Dung i satongkin nari, tiur ma sasude

VERSE 5

Hamu na holong roha, di huta Sion i

Sai tomu Rajamuna, marlasniroha be

Ai ari las ni roha, ma jumpang di hamu

Hamu na niorona, parsanggulanna do.

VERSE 6

Hamu naung benget roha, manaon na porsuk i

Hamu situndal dosa, nang hajahaton i

Mangolu ma hamuna, huhut mangarajai

Rap dohot Tuhanmuna, di sangapmuna be

VERSE 7

Dison do maremare, hamonanganna i

Dison do sampesampe, hatigoranna i

Dison do hadameon, di naung marungkil i

Dison do hangoluan, di naung binunu i

VERSE 8

Dison do huta Sion. inganan na denggan

Na gok hamuliaon, na uli na torang

Dison alaman sere, dison haroan i

Dison do tumpal sere. na di oroan i.

VERSE 9

O Jesus las ni roha, sai ro ma Ho tibu

Sigop ma au palua, ndang sonang au tutu

Di tano paraloan, di hasiangan on

Ho do dihalungunhon, rohangku sai tongtong

Share this post