BE 442 - NAJOLO TUNG NA LOJA
VERSE 1
Najolo tung na loja do langkangki dison
Marsahit do rohangku dibaen portibi on
Tarhirim au, ai salpu i luhut di tano on
Paima ro Tuhankinon manjou na sorat on
Na salpu do i, na salpu do i
Ndang dijujur dosangku tu au
Tung sesa do i dibaen mudarNa i
Ndang ditulak Tuhanku be au
VERSE 2
Ai arsak ni rohangku tung salpu do nuaeng
Magotap angka rante ni dosa i dibaen
Tuhanku na lao mate di hau parsilang i
Ibana paluaohon au, martua rohangki
Na salpu do i, na salpu do i
Ndang dijujur dosangku tu au
Tung sesa do i dibaen mudarNa i
Ndang ditulak Tuhanku be au
VERSE 3
O donganki na mago, ndang sonang rohami
Sai dilului ho dame, hape so dapot i
Tu ho dijouhon Jesus, na holong roha i:
'Di Au sambing ma dapot ho paradianan'
Na salpu do i, na salpu do i
Ndang dijujur dosangku tu au
Tung sesa do i dibaen mudarNa i
Ndang ditulak Tuhanku be au
0 Response to "BE 442 - NAJOLO TUNG NA LOJA"
Post a Comment