BE 488 - NANG NA BUNI DI ROHA

VERSE 1

Nang na buni di roha, na so tarida i

Sude diburi Tuhanku ala mudarNa i

VERSE 2

Bagas na hamagoan manggohi rohangki

Malum hape dibaen Jesus, Tuhan na basa i

VERSE 3

Mago do au di dosa ala si Adam i

Kristus do ro pamalumhon, sahit ni rohangki

VERSE 4

Tuk na binaen ni Jesus lao paluahon au

Gomos hugolom mudarNa paima tu surgo au

VERSE 5

Raphon Tuhanku mate jolma na buruk i

Mate disi hurajumi nang nasa diringki

VERSE 6

Raphon Tuhanku hehe ahu na mate i

Jala sai naeng marparange songon naung hehe i

VERSE 7

Asi ni roha bolon do patupahon i

Mudar ni Jesus Tuhanta dohot tondiNa i

VERSE 8

Tung na malua ahu sian sibolis i

Unang mangadop di dosa au na tinobus i

VERSE 9

Bagas pe hamagoan, andul umbagas do

Asi ni roha ni Jesus, Tuhanta i, naung ro

Share this post