BE 12 - DIPUJI ROHANGKON DO HO

VERSE 1

Dipuji rohangkon do Ho Jahowa, Tuhanki

Huhut hubaritahon do Sude pambaenanMi

VERSE 2

Huboto Ho do mual ni Na denggan sasude

Dilehon Ho do sian i Godang di hami be.

VERSE 3

Ai aha ma adong hian di hami na lea?

Sude dilehon Ho nian O Tuhan Debata

VERSE 4

5Ai Ho do na margogo i Sitompa sasude

Ho do na pangoluhon i Nang marmuduhon pe.

VERSE 5

Di langit ni langitan i na hembang songon haen

Marriburibu bintang i Tung ise do mambaen?

VERSE 6

Tung ise do na basa i Manatap hita be

Na pabornokhon hauma i Parngolu di sude?

VERSE 7

Gok eme angka sopo i Tung ise do mala

Nang sasude bohalta i Nda Tuhan Debata?

VERSE 8

I ma tutu, o Debata Dilehon Ho sude

Ai Ho do na tongtong basa Manumpak jolma i.

VERSE 9

Dipinsang Ho pe hami on Dibahen dosa i

Sai dipalambas Ho tongtong Roham na denggan i

VERSE 10

Ai molo marsak rohangki Dibahen dosa i

Mura do mulak rohaMi Manesa salangki

VERSE 11

Diapul Ho do sasude Na marsak roha i

Diduduk Ho iluna i Tu parningotanMi

VERSE 12

Sai disarihon Ho sude Di hasiangan on

Tu daging nang tu tondi pe Panongos Ho tongtong

VERSE 13

Antong boasa ma tungki Ho ale tondingki?

Haposi ma Debatami Sitompa sasude

VERSE 14

Ndang dung marsala Debata Tu ginomgomNa i

Ai manang dia pe dibaen Denggan ujungna i.

VERSE 15

Antong pasombu Debatam Mambaen ture langkam

Asa tongtong sonang rohaM Timbul dohot tuam.

Share this post