BE 13 - NDA TAMA ENDEHONONKU

VERSE 1

Nda tama endehononku Goar ni Debatangki? Nda tama halashononku Denggan ni basaNa i?

Ai sun holong ni rohaNa Mida au pardosa on Diramoti do tongtong Naposona Saluhutna

Holong ni rohana i Nda tung hasuhatan i.

VERSE 2

Songon pidong rajawali Manjagai anakna i Songon i do dipabali Debatangku jea i

Sian au niramotanna Olat ni na tubu au Sai diiringiring au Masuk tu harajaonNa

Holong ni rohaNa i Nda tung hasuhatan i

VERSE 3

Nang AnakNa sasadasa Diseahon Debata Pangoluhon au pardosa Uju i di Golgata

Mago au dibaen dosangku Jadi ro AnakNa i Manggarari utangki Lao mambaen haluaonku Holong ni rohaNa i Nda tung hasuhatan i.

VERSE 4

Dohot Tondi Parbadia Do disuru Amangki Asa dohot au badia Jala tau tu surgo i

Naeng gohanNa do rohangku asa sai tongtong torang Sai gok dame nang sonang

Mandalani dalananku Holong ni rohaNa i Nda tung hasuhatan i

VERSE 5

Dohot haporseaonku Dilopokkon Tuhanhi Tu bagasan ni rohangku

Patiurhon dalanhi asa sahat musengani Au tu hangoluan i

Na rade di surgo i Di sude namanjalahi Holong ni rohaNa i Nda tung hasuhatan i.

VERSE 6

Songon i do panarihon Ni Debatangki di au Tuhanki do sumarihon

Nasa na ringkot di au Tondi dohot pamatangku Dipangolu Tuhanki

Na marasi roha i Diramoti do hosangku Holong ni rohaNa i Nda tung hasuhatan i

VERSE 7

Molo masa pangunjunan Dipasonggop setan i Debata do pangondingan

Di au on anakNa i Ai didokhon Debatangku SurusuanNa i Manamparhon jea i

Asa dao hamagoanku Holong ni rohaNa i Nda tung hasuhatan i

VERSE 8

Ganup ari do disesa Debatangku dosangki Ndang hea gotos rohaNa

Maniopi rimas i Nang pe ingkon pinsangonNa Au dibahen dosangki

Ndang maposihu disi Uhum na nidabuhonNa Holong ni rohaNa i Nda tung hasuhatan i

VERSE 9

Ala na so hasuhatan Holong ni basaM Amang Tatap ma au on pasidung

Nasa sangkap ni rohaM Di naposoMon Tuhanku Pargogoi ma au tongtong

Mangoloi di tano on Nasa na pinatikhonMu Paima Ho pujionki Salelenglelengna i.

Share this post