BE 166 - AI BEASA DI BALIAN

VERSE 1

Ai beasa di balian Ho, na pangoluhon au?

Unang Ho marpansadian, ro ma Ho tumopot au

Jesus hangoluanki, hupangido tolongMi

Sai pamalum ma rohangku, sian hansit ni bugangku.

VERSE 2

Anggo bugang, i ma dosa, i do mangarsahi au

I do na paponjot hosa, dohot dame dipadao

Ditorui patik i, au binaen ni dosangki

Ndang huboto haluaon, anggo so Ho patupahon.

VERSE 3

Ai hutopot angka dongan, mamuati arsakki

Jadi tamba halonongan, jotjotan binahen ni

Ho do pandapotan ni nasa hasonangan i

Ipe ro ma Ho, o Jesus, asi ni rohaM patulus.

VERSE 4

Pos rohangku, ditangihon Jesus i tangiangki

Rohangkon do didapothon, bahen ingananna i

Hasonangan timbul ne, dohot hatuaon pe

Hehe ho, ale rohangku, halupahon ma arsakmu.

VERSE 5

Aha do sihabiaran, molo haholonganMi

Au, o Jesus, ndang jujuran ni Debata dosangki

Gabe pintor au dibaen, tung anakNa au diain

Na martohap di Ibana, martinean di artaNa.

Share this post