BE 167 - DIJANGKON JESUS DO PARDOSA

VERSE 1

Dijangkon Jesus do pardosa, na mangarsakkon dosa i.

Na mangundukkon hinaroa, ni pambaenanNa sasude

Alai ditangkup hata on, dijangkon Jesus nang au on.

VERSE 2

Pardosa na tarsolsol bagi, na ponjot roha situtu

Huhut na olo manopoti, dosana i mansai burju

I do dijangkon Jesus i, asa paluaonNa i.

VERSE 3

Banuaginjang ditadingkon, humophop hajolmaon i

GoarNa i do sipujion, ni nasa na malua i

Ai nunga sae utangna i, binaen ni Tuhan Jesus i.

VERSE 4

Ditaoni Jesus hamatean, di hau na pinarsilang i

Mambaen di hita pardamean, tu Debata, Amana i

Nuaeng ndang pola marsak be, na ro tu Jesus i sude.

VERSE 5

Antong hamu na marsak roha, tangihon ma hataNa i

Hatop ma ro hamu paboa, ditangkup rohamuna i

Barita ni Tuhanta i, naung ro pasaehon dosa i.

VERSE 6

Dison do hami, ale Tuhan, asi rohaM paias ma

Togihon hami on tu ginjang, tu surgo i tu Debata

Pujionnami ma disi Ho, Sipalua jolma i.

Share this post