BE 356 - NA MALUNGUN DO ROHANGKU

VERSE 1

Na malungun do rohangku tu Ho, o Debatangki

Ho do na hinaposanku jala haporusanki

Sasude na ro tu Ho, ndang tarurak bahenonMu

Nasa na manoisi Ho, i do na pailaonMu.

VERSE 2

Pabotohon ma dalanMu, dohot bogasMi di au

Asa i ihuthononku, ale Tuhan togu au

Sian dalan na ture, dohot tu hasintonganMu

Ho do hatuaonki, tolongMi do paimaonku

VERSE 3

Ingot ma, ale Tuhanku. angka denggan ni basaM

Naung di au pinasahatMu. dohot asi ni rohaM

Unang ingot dosangki, na hubahen di posongku

Sai asi ma rohaMi, ala lambas ni rohaMu.

VERSE 4

Ndang marolat denggan basa, ni Jahowa na bonar

Diajarhon tu pardosa, dalan angka na tigor

Na serep marroha i, ditogihon tu na sonang

Na lambok marroha i, di diboan tu na torang

VERSE 5

Hasintongan, asi roha, do dalanna sasude

Di sude na burju roha, mangoloi patikNa

Tuhan, ala goarMi, sesa ma sude dosangku

Ai mansai godang do i, lobi asa bilanganku.

VERSE 6

Ise do mangkabiari, Debata Jahowa i?

Halak i do diajari, lao tu hangoluan i

Sonang do tondina i, dibagasan hasonangan

Jala pinomparna i, do tumean hasiangan.

VERSE 7

Hasudungan ni Jahowa, do na bonar roha i

Hahomion ni Tuhanna, jadi do botoon ni

Sai tongtong do matangki, mangaranap Tu Tuhanku

Dipalua do pat hi, sian jorgong ni musungku

VERSE 8

Au na punjung jala dangol, tatap ma o Tuhanki

Ai tu Ho do au masihol, sai palua tondingki

Tu gandana do tongtong, hagogotan ni rohangku

Sai palua ma au on, ale Tuhan Debatangku.

VERSE 9

Tatap ma pardangolanku, dohot hangalutanki

Sesa ma sude dosangku, sai pa pir ma tondingki

Lam torop do musungki, lam jorbut do pamuraiNa

Tuhan tatap au disi, asa unang saut tahina.

VERSE 10

Sai ramoti ma tondingku, Tuhan sai palua au

Ho haposan ni rohangku, unang ma paurak au

Sai jamot ma tondingki, ala ni halidangonku

Bangso na pinillitMi, naeng tangkas paluaonMu.

Share this post