BE 357 - AI BEASA DI BALIAN?
VERSE 1
Songon ursa na binuru, mauas di aek tabar i
Songon i do au mangido, naeng solhot tu Tuhanki.
Holan Ho, Debatangki do huhauashon i
Ai andigan idaonku, bohiMi ale Tuhanku
VERSE 2
Iluilu ni matangku, do hupangan sai tongtong
Ala sai didok musungku, tung di dia Debatam?
Jala maras rohangki, mingot parmasuhonki
Ro di girgir ni endengku, lao tu joro ni Tuhanku.
VERSE 3
Tungkimi, ale tondingku, tung beasa rusak ho?
Sai haposi Debatamu. ai paluaonNa do
Ho na marsak i nuaeng, las roham muse dibaen
Asa tong pasangaponmu. goar ni partuaonmu.
VERSE 4
Sai manungkap do rohangku. di na mangandungi au
Jordan do habuanganku, dohot Hermon na sai dao
Songon aek sampuran i. tinggang tu tondolan ni
Songon i do martinggangan, tu au angka pangunjunan
VERSE 5
Diparbaga Debatangku, asi ni rohaNa i di au,
Jadi las rohangku, molo sai huingot i
Borngin nang arian pe, huendehon do sude
Denggan basa ni Jahowa, na manolong naposona.
VERSE 6
O partanobatoanku, ndang be ingotonmu au?
Ai lam ganda do arsakku, diinsahi musu au
Ai holiholingku pe, naung magopu do sude
Ala sai didok musungku, tung di dia Debatamu?
VERSE 7
Tungkimi, ale tondingku, tung beasa rusak ho?
Sai haposi ma Tuhanmu, ndang tadingkononNa ho
Pujionku do muse Tuhan Debata dope
Hatuaon ni bohingku, na tongtong naeng haposanku
0 Response to "BE 357 - AI BEASA DI BALIAN?"
Post a Comment