BE 362 - ENDEHON ENDE NA IMBARU

VERSE 1

Endehon ende na imbaru, di Debata Jahowa i

Ai sasadasa dipatubu, saluhut halongangan i

Sai ditaluhon siamunna, do sasude musuna i

Patar dibaen hatigoranna, di jolo ni parbegu i.

VERSE 2

Diingot Debata Jahowa, do asi ni rohaNa i

Sai dipahot hasintonganNa, di bangso na pinillit i

I ma diida hajolmaon, pangisi ni portibi on

Huhut ditanda hatuaon, ni Debatanta na tongtong.

VERSE 3

Marsuraksurak ma hamuna, na manginganhon tano on

Pangiar ma soaramuna, mamuji Debata tongtong

Marolopolop ma luhutna, mardongan arbab, ogung pe

Lao pasangaphon Debatanta, na manggomgomi sasude.

VERSE 4

O laut, pagogo parhasakmu, nang tano pe marolop ma

Martopaptopap ma tanganmu, o batang aek di Debata

O dolok puji ma Jahowa, na ro manguhum tano i

Tarida ma hatigoranna, di nasa manisia i.

Share this post