BE 120 - ALE IMMANUEL TATAP

VERSE 1

Ale Immanuel, tatap ma hami na tinobusMu, na pinaluaM

Na sinosahan ni musu do hami, ala tongtong nioloan hataM

Gasa disuan mangalo AnakMu, jala na jahat do ninna na burju

VERSE 2

Nunga nania na burju najolo, na marnaloja na modom nuaeng

Ai diparbaga rohana ndang olo talu nasida, hape sai dibaen

Musu bisukna, manjail nang nasida, jadi burjuna ndang be na tarida.

VERSE 3

Lam tu ngalina do holong ni roha, lam tu hijangna do na poso i

Mansai torop do na lao tu na roa, na lilianan dibaen setan i

Marsak do roha ni nasa na burju, mida na lusam na di huriaMu.

VERSE 4

Ipe, o Jesus, sai tatap ma hami jala sungguli ma dongan sude

Unang ma modom di dosa be hami, burju marroha baen hami muse

Asa tarsunggul sude huriaMu, jala rap hehe pasauthon hataMu

VERSE 5

Tatap o Jesus sude di balian angka parbegu na lilu dope

Angka na hundul di na nilinggoman ni hamatean sai jou ma sude

Asa malua nang i musengani, dalan tu surgo muse di dalani

VERSE 6

Sai hamonangkon sude hajolmaon, taiti sandok manisia tu Ho

Asa diboan sude hasangapon dohot pelean na hushus di Ho

Jala dipuji sude manisia Ho, ale Tuhan, na tong marmulia.

Share this post