BE 163 - JESUS HINAPOSAN NI

VERSE 1

Laos dijalo Jesus i do pardosa na tarilu.

Sai paboa hata i tu saluhut i na lilu.

Asa sasude na ro dipangolu Jesus do.

VERSE 2

Asi ni rohaNa i, pinarbaga ni hataNa

Dohot hangoluan i, salelengna di lambungNa

Saluhut na i na ro, dipangolu Jesus do.

VERSE 3

Dilului parmahan i, dorbiana molo lilu;

Burjuan do Jesus i, manjalahi na tarilu

Asa unang mago i, dipangolu Jesus i

VERSE 4

Ro ma sasude hamu, ro ma hamu na marsak roha

Jesus do manjou hamu, asa mulak tu Jahowa

Unang so porsea ho, dipangolu Jesus do.

VERSE 5

Au na marsak roha i, ro tu Ho, haporusanku

Manopoti dosangki, sesa ma sude utangku

Hata on mangapul au, dipangolu Jesus au.

VERSE 6

Nang jorbut pe dosangki, laos gumogo do mudarMu

Tau manesa utangki, mangurasi pe rohangku

Ai hudok marningot Ho Dipangolu Jesus do.

VERSE 7

Ndang huhabiari be, pangaluan ni si Musa

Ai sitahan utangki, do manggarar saluhutna

Ndang be hona toru au, dipangolu Jesus au.

VERSE 8

Jesus, Sipangolu i, na mangungkap pardamean

Ara au tu lambungMi, ia jumpang hamatean

Laos hudok mamuji Ho, dipangolu Jesus do.

Share this post