BE 87 - JESUS KRISTUS DO MANOBUS

VERSE 1

Ho tinobus ni Tuhanmu, tung jonok do debataM

Sai pasada pingkiranmu asa tong tutu sabam

Sai pabulus sai pabulus tu Tuhanmu ma roham

VERSE 2

Sai timbangi di rohamu pangkophopNa i sude

Ai tung ala ni dosamu do tarsilang Tuhanmi

Baen malua baen martua Hita na tarjea i.

VERSE 3

Haberengan ho Tuhanmu di hau pinarsilang i?

So uhir tu pingkiranmu hansit na tinaonNa i?

Sai tohoi sai oloi Holong ni rohaNa i.

VERSE 4

Naeng bagas arsakkononmu sasudena dosami

Asa hangoluhononmu na tinaon ni Tuhanmi

Sai ringkoti manopoti Nasa hadosaonMi.

VERSE 5

Mangasahon na tinaonMu, tundalanku dosangki

Sai pasonggop pangkophopMu tu sude pingkiranki

Naeng tondingku nang dagingku upa ni na tinaonMi.

VERSE 6

Na so tupa datdatanku mangulahon dosa i

Na so jadi arsahanku Ho Parngolu, Tuhanki.

Sai tarhilas ma rohaMu mida au hinophopMi.

VERSE 7

Nang dokdok pe siporsanon mian au di lambungMi

Habengeton, hatomanon disahaphon silangMi

Ho rajangku Ho Tuhanku ro di hamamatengki.

VERSE 8

Pangkophopon ni Tuhanku na tongtong hutiop i

Holan pasaut langkangku masuk hasangapon i

Lao martomu lao mardomu tu Tuhanku Jesus i.

Share this post