BE 99 - O TONDI PARBADIA BONGOTI
VERSE 1
O ulubalang na gogo, songon sadari on do Ho
Manaek tu hasangapon, naung sidung do ulaonMi,
Na ringkot patupaonMi humophop hajolmaon
Sabam, tongam do Ho muli tu na uli, marhabangsa di siamun ni
Jahowa.
VERSE 2
Marloksaloksa Serapim, marriburibu Kerubim,
Mamuji Ho na monang, dibaen naung pinadomuMi,
Saluhut manisia i, tu Debata di ginjang
Puji, puji Jesus Kristus naung patulus saluhutna, tinonahon ni
AmaNa.
VERSE 3
O Jesus Ho do ulu ni saluhut na porsea i
RuasMu anggo hami, Ho hangoluannami on
Ho hasonangannami on Ho hagogoonnami.
Suru, togu Rohanami, asa hami mangalehon tu Ho nasa hasangapon.
VERSE 4
Sai taiti rohanami on, urupi hami on tongtong
Mangalo dosanami, paias rohanami be
Parangenami baen ture nang pangkataionnami.
Tompa roha na imbaru asa haru monang hami, maralohon dosanami.
VERSE 5
Pabulus langkanami be, patigor dalannami pe
Lao tu banuaginjang, o Jesus tatap hami on
Na so tarbaen di tano on, mardame manang sonang
Sonang, monang di lambungMu bahenonMu hami sogot, Dung tu surgo
hami bongot.
0 Response to "BE 99 - O TONDI PARBADIA BONGOTI"
Post a Comment