BE 262 - JAHOWA TUHANKI

VERSE 1

Jahowa Tuhanki, Ho mual ni na denggan

Sitompa sasude, silehon hangoluan

Sai lehon ma di au, pamatang na hipas

Maringan ma di au, baen roha na ias.

VERSE 2

Urupi au mandok, na patut dohononku

Asa ture hudok, na roa oromonku

Tung baen ma au gomos, mandok na patut i

Margogo ma antong, baen dohot hatangki.

VERSE 3

Di na tarsosak au, padao ma pandelean

Sitaonon na di au, urupi au mamorsan

Pamonang au tongtong, palambok rohangki

Parroha na holong, baen angka donganki.

VERSE 4

Padame au Tuhan, pasaor tu angka dongan

Ai i do na hombar, tu hataMi o Tuhan

Molo mararta au, binaen ni asiMi

Sai unang be di au, na geduk saor tusi.

VERSE 5

Ramoti au tongtong, saleleng au mangolu

Matua pe au on, pabenget ma rohangku

So tung marlindang maon, tongtong parangengki

Ubanon pe au on, naeng hot do sangaphi.

VERSE 6

Di hasusuda ni, bohalhu o Tuhanku

Paingot au disi, di nasa na tinaonMu

Tu hasonangan i, pasahat tondingki

Nang di tanomanki, ramoti orbukki

VERSE 7

Di hamumulakMi, di ari haheheon

Sungguli au disi, baen au marhasangapon

Padomu au disi, tu dongan sasude

Naung pinaluaMi, sian dosana be.

VERSE 8

Antong pinuji Ho, O Debata Amangku

Pinuji dohot Ho, O Jesuski, Tuhanku

O Tondi nang di Ho, ma hasangapon i

Sitolusada i, sai jalo endengki.

Share this post