BE 277 - MARSADA ROHA HITA
VERSE 1
Marsada roha hita, sitanda Jesus i
Tatiop tong jamita, pasonang roha i.
Sai pir tondinta be, sada tongtong rohanta
Mangihut tu Tuhanta, sihophop sasude.
VERSE 2
Portibi on na rundut, ndang tiruonta be
Arina i lam sundut, jonok ujungna i
Rohanta sasude sai tu banuaginjang
Gomos ma hita tindang managam Tuhan i.
VERSE 3
Manongtong ma rohanta mangalo bangko i
Patigor be dalanta pahombar hata i
Hisap ni roha i ndang be ihuthononta
Tuhanta do gogonta lao manundalhon i.
VERSE 4
Suman tu paisolat harohaonta be
Lam leleng, lam marbolat do sian sasude
na so di Tuhan i. Ibana do artanta,
hataNa sinjatanta dompak na holom i.
VERSE 5
Burju ma tasarihon manjangkon Tuhan i
Ibana tatangihon lam leleng, lam ture
Gomos taingot be jonok do haroroNa
Lao pasonggophon bona ni hatuaon i.
VERSE 6
Sai jumpang pardonganon binaen ni hata i
Sude na marsitaonon tahaholongi be
I do niula ni TondiNa na badia
Di tonga ni huria sinondanganNa i.
VERSE 7
O Jesus Tuhannami pardagang na hinan
Sai Ho manatap hami paisolatMi hian
Torusi ma tongong sudena rohanami
Sai Ho hutagam hami di pardagangan on.
0 Response to "BE 277 - MARSADA ROHA HITA"
Post a Comment