BE 283 - NANG SIPATA PE IDAON

VERSE 1

Nang sipata pe idaon, Debatanta manadingkon

Anak haholongan i, tung na so tutu do i.

VERSE 2

Nang sipata dipabenda, Debata pangurupiNa

Anggo jumpang tingki ni, pintor tongosonNa i.

VERSE 3

Songon ama di anakna, pangalehon ni Tuhanta

Holan na hasea i, i do lehononNa i.

VERSE 4

Pos rohangku di Amangku, nang beha hagogotanku

Sai holong rohaNa i, di au on anakNa i.

VERSE 5

Setan manang musu jolma, nang beha pangarsahina

Mengkel do au mida i, ai mangolu Amangki.

VERSE 6

Manang ro pe hamatean, ndada olo au tahutan

Hutiopi Jesus i, i do alealengki

VERSE 7

Asal ma tongtong jambarhu, asi ni rohaM Tuhanku

Nang pe tu udean au, sae do molo Ho di au.

Share this post