BE 491 - O JESUS TUHANNAMI I
VERSE 1
O Jesus Tuhannami i, sondangi rohangki
Lao salpu do na bernit i, Dung bongot sondangmi
Na roa nang bernit pe, na lao do sasude
Tiur tongtong do langkangki, Dung bongot Ho tu si
Ale Tuhan, sai tatap ma, Asi roham, sondangi ma
Sai pujionku basaMi, Nasumarihon ngolungki
VERSE 2
Di hau na pinarsilang i do mate Jesuski
Disi ditobus tondingki, disesa dosangki
Naung talu do sibolis i, ndang boi manggogo be
Dibahen i las rohangki, mamuji Jesus i
Ale Tuhan, sai tatap ma, Asi roham, sondangi ma
Sai pujionku basaMi, Nasumarihon ngolungki
VERSE 3
Ho mata ni aringku i, saleleng au dison
Ho Jesus sipujionki, di nasa ngolungkon
Dung sahat au tu surgo i, tu hasonangan i
Na so mansohot endengki, mamuji Ho disi
Ale Tuhan, sai tatap ma, Asi roham, sondangi ma
Sai pujionku basaMi, Nasumarihon ngolungki
0 Response to "BE 491 - O JESUS TUHANNAMI I"
Post a Comment